ბელარუსმა 2 ოქტომბრიდან ევროკავშირს საპასუხო სანქციებს უწესებს. ინფორმაციას ქვეყნის საგარეო საქმეთა სამინისტრო ავრცელებს.

„ევროკავშირის მიერ ბელარუსი თანამდებობის პირების მიმართ დაწესებული სავიზო სანქციების საპასუხოდ, ბელარუსი დღევანდელი დღიდან საპასუხო სანქციათა სიას წარადგენს. შექმნილი ცივილიზებული დიპლომატიური პრაქტიკის შესაბამისად, ჩვენ მას არ გამოვაქვეყნებთ“, - ნათქვამია განცხადებაში.

ბელარუსის საგარეო უწყებაში განაცხადეს, რომ ქვეყნის მიმართ  ევროკავშირის სანქციებმა, შესაძლოა, გამოიწვიოს უფრო მეტად სერიოზული შედეგები. კერძოდ, ბელარუსმა, შესაძლოა, დატოვოს ერთობლივი პროგრამები და პროექტები, გადახედოს დიპლომატიური ურთიერთობების შენარჩუნების საკითხს.

 „იმის ნაცვლად, რომ ბელარუსებს დაპირდნენ „ოქროს მთებს სხვა ცხოვრებაში“, მოვუწოდებთ ევროკავშირს აქ და ახლა გააორმაგოს ერთიანი ძალისხმევა საერთო გამოწვევების წინააღმდეგ, მაგალითად, როგორიცაა არალეგალური მიგრაცია, საერთაშორისო დანაშაული და ტერორიზმი, ინფექციური დაავადებების პანდემია და მათი სოციალურ-ეკონომიკური შედეგები“, - განაცხადეს უწყებაში.

დღეს ევროკავშირის საბჭოს პრეზიდენტმა შარლ მიშელმა განაცხადა, რომ ევროკავშირის ლიდერები შეთანხმდნენ სანქციების დაწესებაზე ბელარუსი ოფიციალური პირების მიმართ, რომლებიც პასუხისმგებელნი არიან არჩევნების გაყალებებასა და ადამიანის უფლებათა დარღვევებზე. გადაწყვეტილება ძალაში დღეიდან, 2 ოქტომბრიდან შევა.