აზერბაიჯანის გენერალური პროკურატურის განცხადებით, სომხეთის შეიარაღებულმა ძალებმა ბაქო-თბილისი-ჯეიჰანის ნავთობსადენის დაბომბვა სცადეს. ინფორმაციას აზერბაიჯანული გამოცემა Trend.az-ი ავრცელებს.

"2020 წლის 6 ოქტომბერს, დაახლოებით 21:00 საათზე, სომხეთის სამხედრო-პოლიტიკური ხელმძღვანელობის ბრძანებით, ოკუპანტი ქვეყნის შეიარაღებული ძალებმა, რეგიონის უდიდეს სტრატეგიულ ობიექტ ბაქო-თბილისი-ჯეიჰანის ნავთობსადენზე, რომელსაც მნიშვნელოვანი ადგილი უკავია ევროპის ენერგეტიკულ უსაფრთხოებაში, სცადეს სარაკეტო დარტყმების მიყენება მილსადენის იმ მონაკვეთზე, რომელიც გადის ევლახის რეგიონის ტერიტორიაზე. ამასთან, ჩვენი ჯარის მიერ გადამწყვეტი ზომების შედეგად, ეს ტერორისტული მცდელობა თავიდან იქნა აცილებული.

ამჟამად, ინციდენტის ადგილზე, პროკურატურის თანამშრომლები ატარებენ საჭირო საგამოძიებო ზომებს", - ნათქვამია გენერალური პროკურატურის განცხადებაში.

აღნიშნულთან დაკავშირებით სომხურ მხარეს კომენტარი ჯერ არ გაუკეთებია.