ევროკავშირმა რუსეთის წინააღმდეგ სანქციები გაახანგრძლივა.

სანქციები 2021 წლის 16 ოქტომბრამდე გაგრძელდება იმ პირთა მიმართ, რომლებიც კავშირში არიან ქიმიური იარაღის გამოყენებასა და გავრცელებში. მათ შორის არის ოთხი პირი, რომლებიც მონაწილეობდნენ სკრიპალების მოწამვლის საქმეში სოლსბერიში.

შემზღუდავი ზომები სულ ცხრა ადამიანის წინააღმდეგ იმოქმედებს. სანქცირებულთა სიაში შეყვანილი კიდევ ხუთი პირი სირიის ხელისუფლებას უკავშირდება. სანქციების ქვეშ მოყვა სირიის სამეცნიერო კვლევის ცენტრი, რომელიც, ევროკავშირის განცხადებით, ქიმიური იარაღის დამზადებით არის დაკავებული.

სანქციები ფიზიკურ პირებს ევროკავშირში შესვლას უკრძალავს. ამკრძალავი ღონისძიებები ასევე ითვალისწინებს ფიზიკური და იურიდიული პირების აქტივების გაყინვას.