საფრანგეთის პრეზიდენტმა ემანუელ მაკრონმა განაცხადა, რომ ესმის მუსლიმების გრძნობების სკანდალური კარიკატურების გამოქვეყნებასთან დაკავშირებით, თუმცა მისი თქმით, მათზე პასუხისმგებლობა დამოუკიდებელ მედიას ეკისრება და არა ხელისუფლებას.

„მესმის მუსლიმების გრძნობების მოციქულ მუჰამედის კარიკატურების გამოქვეყნებასთან დაკავშირებით, თუცა მათ უკან ხელისუფლებას არ დგას, ეს მომდინარეობს თავისუფალი და დამოუკიდებელ მედიისგან, რომელსაც ხელისუფლებასთან არაფერი აკავშირებს“, - განუცხადა მაკრონმა ტელეარხ „ალჯაზირას“.

მაკრონის თქმით, მუსლიმური სამყაროს რეაქცია მისი გამოსვლის შემდეგ გამოწვეულია მისი სიტყვების დამახინჯებამ და არასწორმა მიდგომამ, თითქოს ის ამ კარიკატურების გამოქვეყნების მომხრეა.

მან ხაზი გაუსვა, რომ მუსლიმები ყველაზე მეტად ზარალდებიან იმ ადამიანების მოქმედებისგან, რომლებიც ამახინჯებენ ტრადიციულ ღირებულებებს, რომლებსაც ისლამი მოიცავს. „არიან ადამიანები, რომლებიც ამახინჯებენ ისლამს და ამ რელიგიის სახელით მოითხოვენ მის დაცვას“, - განაცხადა მაკრონმა.

16 ოქტომბერს კონფან-სენტ-ონორინის კომუნაში სკოლასთან მამაკაცი თავს დაესხა ისტორიის მასწავლებელს და თავი მოკვეთა. პოლიციამ თავდამსხმელი მეზობელ კომუნაში გაანადგურა.

ადგილობრივი მედის ცნობით, მასწავლებელი მოსწავლეებს თავისუფალი სიტყვის შესახებ ესაუბრებოდა და ჟურნალ  Charlie Hebdo-ში გამოქვეყნებულ მუჰამედ მოციქულის კარიკატურებს აჩვენებდა.

ემანუელ მაკრონმა მომხდარი ტერორისტულ აქტად შეაფასა და განაცხადა, რომ საფრანგეთის ხელისუფლება დაიცავს სიტყვის თავისუფლებას და არ აკრძალავს ნებისმიერი კარიკატურის გამოქვეყნებას.

ამასთან, ის გამოვიდა იდეით საფრანგეთში გათავისუფლდეს ისლამი უცხოური ზეგავლენისგან და გაძლიერდეს კონტროლი მეჩეთების დაფინანსებაზე და განვითარდეს ქვეყანაში “საგანმანთლებლო ისლამი“.

მაკრონის განცხადებამ აღშფოთება გამოიწვია მუსლიმურ ქვეყნებში, სადაც  დაიწყო  ფრანგული პროდუქციისთვის ბოიკოტის კამპანია. ამის გარდა ქვეყნის სხვადასხვა კუთხეში საფრანგეთის მოქალაქეებზე რამდენიმე თავდასხმა მოხდა.