საქართველოს პარლამენტის თავმჯდომარე და პარტია "ქართული ოცნების" წევრი გიორგი კახიანი აცხადებს, რომ საპროტეტსო აქციებს და ამ აქციებზე წამოყენებულ მოთხოვნებს სერიოზულად არ უყურებენ.

მისი თქმით, მალე, თავად ოპოზიციაც გააცნობერებს მათი მოთხოვნების აბსურდულობას.

"მათი უფლებაა, რომ კანონის ფარგლებში, გამოხატვის თავისუფლების ფარგლებში, მოაწყონ შესაბამისი აქციები და მათი უფლებაა, რომ აბსურდული მოთხოვნები დააყენონ ამ აქციებზე. თუმცა, ბუნებრივია, ჩვენ ამას სერიოზულად არც ვუყურებთ. იმედი მაქვს, ძალიან მალე ისინი თავად გაათვიცნობიერებენ თავისი პოზიციების აბსურდულობას, ძალიან მალე მიხვდებიან, რომ პოლიტიკურ ჩიხში აღმოჩნდებიან და ძალიან მალე დაუბრუნდებიან საარჩევნო პროცესს, ოდნავ მოგვიანებით საპარლამენტო ცხოვრებას", - განაცხადა კახიანმა.

შეგახსენებთ, პარლამენტის წინ მიმდინარე საპროტესტო აქციაზე ოპოზიციურმა პარტიებმა ხელისუფლებას 3 ძირითადი მოთხოვნა წაუყენეს - თამარ ჟვანიას გადადგომა, ხელახალი არჩევნები, პოლიტპატიმრების გათავისუფლება.