ერთიანი ნაციონალური მოძრაობის თავმჯდომარე, გრიგოლ ვაშაძემ TV პირველის ეთერში განაცხადა, რომ ხელახალი არჩევნების დანიშვნის შემთხვევაში მასში მონაწილეობას, დიდი ალბათობით, არ მიიღებს.

"დიდი ალბათობით არა, არ გადამიწყვიტავს ზუსტად, მაგრამ დიდი ალბათობით, არა"- უპასუხა ვაშაძემ ჟურნალისტის შეკითხვას და აღნიშნა, რომ ზოგიერთებივით ერთი პარტიიდან მეორეში სირბილს არ აპირებს.

"რაღაც თავი ცხოვრებაში იწყება, რაღაც თავი მთავრდება. რომ გითხრათ, მე ვაპირებ 30 წელი ვიბალახო ამ მოედანზე როგორც ზოგიერთები აკეთებენ ახლა, ერთი პარტიიდან მეორეში ვირბინო და ასე შემდეგ – ნამდვილად არ მაქვს ამის სურვილი". – ამბობს ვაშაძე.

გრიგოლ ვაშაძე ქუთაისში ერთიანი ნაციონალური მოძრაობის მაჟორიტარი დეპუტატობის კანდიდატია. ცესკო-ს მიერ გამოქვეყნებული შედეგებით, მან არჩევნების პირველ ტურში ამომრჩევლების 34.72%-ის ხმა მიიღო და ქართული ოცნების კანდიდატთან ერთად არჩევნების მეორე ტურში გადავიდა.