Microsoft-ის თანადამფუძნებელმა ბილ გეიტსმა უცნაურობა უწოდა იმ ადამიანების ქცევას, რომლებიც უარს ამბობენ პირბადეების ტარებაზე პანდემიის დროს. იუწყება Business Insider.

 „ისინი, რა, ნუდისტები არიან? თქვენ შარავლის ჩაცმას გთხოვენ. არც ერთი ამერიკელი, ან ძალიან ცოტა ამერიკელი ამბობს, რომ ეს რაღაც საშინელებაა“, - თქვა გეიტსმა, რომელიც ამტკიცებს, რომ  COVID-19 ჰაერ-წვეთოვანი გზით გადაეცემა ლაპარაკის დროს.  

გეიტსის ვერსიით, სხვა რესპირატორული ვირუსების უმეტესობას არ გააჩნია ასეთი „წარმოუდგენელი ვირუსული დატვირთვა“, როგორც COVID-19-ს. მისი თქმით, მაგალითად, თუ გაციებული ადამიანი პირბადის გარეშე ერთს საათს დაჰყოფს ოთახში სხვებთან ერთად, მათი უმეტესობა, დიდი ალბათობით არ დაინფიცირდება. მაგრამ ამავე სიტუაციაში, COVID-19-ით ინფიცირებული ნიღბის გარეშე, დააავადებს ოთახშ მყოფთა უმეტესობას.

ბიზნესმენის თქმით, ყურადსაღებია ისიც,რომ კორონავირუსი ადამიანმა შესაძლოა სხვას იმ შემთხვევაშიც გადასდოს, თუ მას სიმპტომები არ აქვს. ბილ გეითსი ამბობს, რომ როგორც წესი, გრიპით დაავადებული ადამიანი სახლშ იმის გამო რჩება, რომ თავს შეუძლოდ გრძნობს, COVID-19-ით ინფიცირებული კი შესაძლოა, თავს კარგად გრძნობდეს, არ ჩაიკეტოს სახლში და სხვები ისე დააინფიციროს, რომ ვერც კი მიხვდეს.

ბიზნესმენს ერთადერთ გამოსავლად კორონავირუსის საწინააღმდეგო ვაქცინა მიაჩნია.

გეიტსი მეუღლესთან, მელინდასთან ერთად ხელმძღვანელობს საქველმოქმედი ფონდს, რომელიც აფინანსებს ჯანდაცვის მსოფლიო ორგანიზაციას, ვაქცინის შემუშავებასა და განვითარებადი ქვეყნებისთვის პრეპარატების შესყიდვას.