"ლელოს" ოფისში ოპოზიციონერი ლიდერების შეხვედრა დასრულდა. ოპოზიცია, ჯერჯერობით ვერ შეთანხმდა პროტესტის ფორმაზე, რომელსაც ისინი არჩევნების მეორე ტურის დღეს, 21 ნოემბერს მიმართავენ.

"ევროპული საქართველოს" ერთ-ერთი ლიდერი გიგი უგულავა აცხადებს, რომ ამ თემაზე ოპოზიცია კიდევ ერთხელ იმსჯელებს და ხვალ, 20 ნოემბერს, 12 საათზე ამცნობს საზოგადოებას.

"როგორც საზოგადოებისთვის უკვე ცნობილია, 21 ნოემბერს არცერთი ოპოზიციური კანდიდატი და პარტია არ მონაწილეობს ამ გაყალბებულ არჩევნებში. რაც შეეხება საპროტესტო აქციას 21-ში, სხვადასხვა ვარიანტებს, ვერსიებს ვიხილავთ და ხვალ 12 საათზე ვიკრიბებით და საბოლოო გეგმა და გრაფიკი ეცოდინება საზოგადოებას და მედიას,"- განაცხადა გიგი უგულავამ.