ავსტრალიის არმიაში, ბოლო სამი კვირის განმავლობაში, ცხრა სამხედრომ თავი მოიკლა. ინციდენტი მას შემდეგ მოხდა, რაც გამოქვეყნდა მოხსენება ავსტრალიელი ჯარისკაცების მიერ  ჩადენილი სამხედრო დანაშაულების შესახებ ავღანეთში, ინფორმაციას გაზეთი Daily Mail. ავრცელებს.

მოხსენება ავსტრალიის შეიარაღებული ძალების მეთაურმა ანგუს კემპბელმა გამოაქვეყნა, დოკუმენტი შეიცავს 39 მკვლელობის მტკიცებულებას, რომლებიც ავსტრალიელმა სპეცრაზმელებმა 2005-2016 წლებში ავღანეთში ჩაიდინეს. მსხვერპლთა შორის არიან როგორც ადგილობრივი სამხედროები, ისე სამოქალაქო პირები.

გაზეთი აღნიშნავს, რომ ამ რაოდენობის თვითმკვლელობა - რვა მამაკაცი და ერთი ქალი, აღნიშნული დროის მონაკვეთში უპრეცენდენტოა ავსტრალიის არმიაში.

ჯერჯერობით არ არსებობს მტკიცებულება, რომ სამხედროები, რომლებმაც თავი მოიკლეს, კავშირში იყვნენ ავღანეთში ჩადენილ დანაშაულებთან. თუმცა სპეციალისტები აღნიშნავენ, რომ თვითმკვლელობის პროვოცირება შესაძლოა, გამოძიებას მოეხდინა. „ვფიქრობ, რომ მედიაში ზოგიერთი ინფორმაციის ავტორები ყველას ერთ ქვაბში ხარშავდნენ და ივიწყებდნენ უდანაშაულობის პრეზუმფციას - ამ ყველაფერმა კი სტრესი გამოიწვია“, - განუცხადა გამოეცმა Advertiser-ს ფსიქიკური ჯანმრთელობის კონსულტანტმა ნილ უოლასმა.

არსებული ინფორმაციით, მოხსენებაში მოყვანილი მტკიცებულებები ეფუძნება 400-ზე მეტი მოწმის ჩვენებას. ამის გარდა, ექსპერტებმა შეისწავლეს 20 ათასზე მეტი დოკუმენტი და 25 ათასზე მეტი ფოტოსურათი. წარდგენილ მოხსენებაში შეიარაღებული ძალების მეთაურმა განაცხადა, რომ აუცილებელია ავღანეთში მსხვერპლთა ოჯახებისთვის კომპენსაციის გადახდა. საერთო ჯამში მისი რეკომენდაციით, საჭიროა დამატებით სისხლის სამართლის გამოძიება იმ 36 ინციდენტის, რომლებიც უკავშირდება მკვლელობებსა და განსაკუთრებული სისასტიკით ჩადენილ შემთხვევებს.