პარიზში გლობალური უსაფრთხოების კანონპროექტის მოწინააღმდეგეთა საპროტესტო აქციაზე 142 ადამიანი დააკავეს. ინფორმაციას ქვეყნის შს მინისტრი ჟერალდ დარმანენი ავრცელებს.

ბოლო სამი კვირაა, ყოველ შაბათს საფრანგეთში მასშტაბური აქციები იმართება გლობალური უსაფრთხოების კანონპროექტის წინააღმდეგ, რომლის თანახმად, ინტერნეტსა და მედიაში პოლიციელის მაიდენტიფიცირებელი გამოსახულების გამოქვეყნება იკრძალება.

მრავალათასიანი აქციები პარიზის გარდა იმართება ლიონში, ლილში, სტრასბურგში, დიჟონში, მონპელიესა და სხვა ქალაქებში.

მშვიდობიან მანიფესტაციებს ურთდებიან დესტრუქციული ჯგუფები black-blocs. მათმა ქმედებებმა ამ ჯერზეც პოლიცასთან ძალადობრივი შეტაკებები გამოიწვია, სამართალდამცველებმა აქციის მონაწილეთა წინააღმდეგ წყლის ჭავლი გამოიყენეს.