ქართველები უნიკალური ხალხი ვართ, მსოფლიოში ერთადერთი პოლიტიკოსია და ისიც ქართველია, რომელსაც, გარდაცვალების შემდეგაც მაინც 7%-იანი რეიტინგი ექნება, - ამის შესახებ განათლების, მეცნიერებისა და კულტურის კომიტეტის თავმჯდომარემ თეა წულუკიანმა ლეიბორისტული პარტიის ლიდერ შალვა ნათელაშვილზე განაცხადა.

"მინდა გავიხსენო, ჩვენ გვყავს, ქართველები უნიკალური ხალხი ვართ და აქაც ამით გამოვირჩევით, მსოფლიოში ერთადერთი პოლიტიკოსია და ისიც ქართველია, რომელიც, რომ გარდაიცვლება, მაინც 7% ექნება რეიტინგი. ეს ადამიანი ძველ დროში, ნაციონალები რომ იყვნენ ხელისუფლებაში, შალვა ნათელაშვილს ვგულისხმობ, თქვა, რომ მე პარლამენტში არ შევდივარო. სინამდვილეში არ დაწერა წერილი, მან მოატყუა საკუთარ ამომრჩეველს კი არა ჩვენ ყველას მოგვატყუა, ეს ყველას გვახსოვს. წარსული თუ არ გავიხსენეთ, არ გვეცოდინება, რატომ ვაკეთებთ დღეს ამას. მან თქვა, რომ მე არ შევდივარ პარლამენტში, არ დაწერა წერილი, შემოიპარა პარლამენტში, არ დადიოდა და იღებდა ხელფასს და ამას ჰქვია ხალხის პარტია, თუ ლეიბორისტული პარტია", - თქვა წულუკიანმა.

შალვა ნათელაშვილმა განაცხადა, რომ სიკვდილის შემდეგაც 7-პორცენტიანი რეიტინგი დიდხანს ექნება.