დიდი ბრიტანეთი პრემიერ-მინისტრმა, ბორის ჯონსონმა ხელი მოაწერა ევროკავშირსა და ბრიტანეთს შორის შეთანხმებას.

"შეთანხმებაზე ხელმოწერით ვასრულებთ ბრიტანელი ხალხის სურვენულ სურვილს, იცხოვრონ თავიანთი კანონებით, რომელსაც მათ მიერ არჩეული პარლამენტი მიიღებს", - განაცხადა ბორის ჯონსონმა.

მანამდე შეთანხმება დამტკიცდა ბრიტანეთის პარლამენტის თემთა პალატის მიერ.

დღესვე ევროკომისიისა და ევროკავშირის საბჭოს ხელმძღვანელებმა ლონდონსა და ბრიუსელს შორის ვაჭრობისა და თანამშრომლობის შესახებ შეთანხმებას ხელი მოაწერეს.

ახლა უკვე შეთანხმების ტექსტი უნდა დაამტკიცოს ევროპის პარლამენტმა.

ბრიტანეთისა და ევროკავშირის წარმომადგენლებმა სავაჭრო შეთანხმებას 24 დეკემბერს მიაღწიეს, ბრექსიტის გარდამავალი პერიოდის დასრულებამდე მხოლოდ ერთი კვირით ადრე.

რას გულისხმობს სავაჭრო შეთანხმება:

საშუალებას აძლევს დიდ ბრიტანეთის გააგრძელოს საქონლის რეალიზაცია ევროკავშირის ბაზარზე ტარიფებისა და კვოტების გარეშე;

შეთანხმება მოიცავს აღსრულებისა და დავების მოგვარების მექანიზმებს უსამართლო კონკურენციის მოსაგვარებლად, რასაც ევროკავშირი "თანაბარი პირობების" წესებს უწოდებს;

უზრუნველყოფს დიდ ბრიტანეთსა და ევროკავშირს შორის შეუფერხებელი სატრანსპორტო კავშირების გაგრძელებას, მათ შორის სამგზავრო უფლებების დაცვის გარანტიებს;

იგი ასევე გულისხმობს ახალ სამართლებრვი გარემოს და სხვა ბარიერებს ბრიტანული ბიზნესისთვის ევროკავშირში;

ხუთწელნახევრიან გარადმავალ პერიოდში, ევროკავშირის ქვეყნების მიერ ბრიტანულ წყლებში თევზჭერის 25% გადაეცემა ბრიტანულ ფლოტს;

ამცირებს გაერთიანებული სამეფოს ხელმისაწვდომობას ევროკავშირის პროგრამებზე სხვადასხვა სფეროში, მათ შორის პოლიციისა და განათლების სფეროში.