"სიცოცხლის ფასადაც რომ დაუჯდეს, უსამართლობას არ შეეგუება", - განაცხადა ნაციონალური მოძრაობის თავმჯდომარემ ნიკა მელიამ მას შემდეგ, რაც გაერთიანებულიმა კომიტეტმა მისთვის სადეპუტატო იმუნიტეტის მოხსნის შესახებ გადაწყვეტილება მიიღო.

"მონა ვერ გაასამართლებს საქართველოს ღირსეულ მოქალაქეს. მორჩა და გათავდა, შეეგუეთ ამას. ჩიგოგიძეები, თალაკვაძე, მდინარაძე, კობახიძე, ბექა ოდიშარია, ეს კოლექტიური ბიძინა ივანიშვილის პატარა მარიონეტები, იმიტომ რომ 20 ივნისს უბრალოდ გავბედე და მივედი, მივედი ათასობით სხვა ქართველთან ერთად. გავრილოვის ხელის დარტყმით ვერ დამიჭერთ, გამორიცხულია და მეტიც, გაგიწყდებათ ის ჯაჭვი, რომელიც მყარი გეგონათ და უკანონობით, უსამართლობით ფონს გახვიდოდით მაგრამ თავს არ დავხრით".- ამბობს მელია.

საქართველოს პარლამენტის იურიდიულ საკითხთა და საპროცედურო საკითხთა კომიტეტების გაერთიანებულ სხდომაზე მხარი დაუჭირეს „ნაციონალური მოძრაობის“ თავმჯდომარის ნიკა მელიასთვის იმუნიტეტის შეჩერების საკითხს.