გირჩი – მეტი თავისუფლების ლიდერი, ზურაბ ჯაფარიძე ტვ პირველის ეთერში გასულ ფარულ აუდიოჩანაწერებს სოციალურ ქსელში ეხმიანება და ამბობს, რომ ქართულ ოცნებაში, ოცნებაში ყველა ღარიბაშვილია, ამიტომ მასთან არდაჯდომას შინაარსი არ აქვს.

"ყველამ ყველაფერი იცის უკვე ოცნებაში
ყველამ იცის რომ ის ჩანაწერები რეალურია და ოცნების ხელისუფლებაში ყოფნის პერიოდში გაკეთებული
ყველამ იცის და ხმას არ იღებენ
ხმას არ იღებენ იმიტომ რომ ეშინიათ და/ან კომფორტის დაკარგვა არ უნდათ და/ან იმედს/პოსტვ-ს უყურებენ და ‘ისევ მიშა მოვა’-სი სჯერათ და ამის უფრო ეშინიათ
ვისაც სინდისის ნატამალი ჰქონდა დარჩენილი, ყველა გაქცეულია უკვე, როგორც სჩანს
ვინც დარჩა, ყველა ისეთია უკვე ვინც არაფერზე ხმას არ ამოიღებს
ძალიან წვრილი ფილტრი აქვთ გავლილი
ყველა ბერას მორჩილია
ყველა ღარიბაშვილია
ამიტომ ‘ღარიბაშვილთან არ დავჯდები მოსალაპარაკებლად’-ს შინაარსი არ აქვს", - წერს ჯაფარიძე.

შეგახსენებთ, ტელეკომპანია "პირველის" ეთერში "ნოდარ მელაძის შაბათში" გავიდა სატელფონო საუბრის ჩანაწერი, სადაც, ავტორების მტკიცებით, პრემიერ-მინისტრი ირაკლი ღარიბაშვილი და ბიძინა ივანიშვილის შვილი, ბერა ივანიშვილი საუბრობენ. სატელეფონო საუბარში მონაწილეობს სახელმწიფო დაცვის სპეციალური სამსახურის უფროსი ანზორ ჩუბინიძეც.