მე ველოდები გამოძიებას და გამოძიებამდე ეს არის უდანაშაულობის პრეზუმფცია - არ შეიძლება ადამიანებზე ძახილი იმის, რომ შენ ხარ მოძალადე და დანმაშავე, სანამ საქმე ბოლომდე არ იქნება მისული, - განაცხადა მომღერალმა გია გაჩეჩილაძემ (უცნობი), რომელიც ჟურნალისტ ვახო სანაიაზე თავდამსხმელების სასამართლო პროცესზე მივიდა. ის თავდამსხმელებს თავდებში უდგება.

"რა იცით, რომ მოძალადეები არიან? არ არიან ჯერ გასამართლებული. ბრალდება შეიძლება, ნებისმიერი იყოს და სანამ განაჩენი არ გამოვა, ესენი არ არიან მოძალადეები. მე დარწმუნებული კი არ ვარ, მე ველოდები გამოძიებას და გამოძიებამდე ეს არის უდანაშაულობის პრეზიმფცია - არ შეიძლება ადამიანებზე ძახილი იმის, რომ შენ ხარ მოძალადე და დანმაშავე, სანამ საქმე ბოლომდე არ იქნება მისული. რადგან ტელევიზიები ამას აკეთებენ, ეს არის ძალიან ცუდი საქართველოში.

ეს არის მსუბუქი მუხლი. არ მომხდარა იქ ჯგუფური ძალადობა და თავდასხმა. არ მჯერა მე ვახო სანაიასი. რისიც მჯერა, იმისი მჯერა, ჩემი შინაგანი სიმართლის მჯერა და თუ შეიძლება, დამაცადეთ, რომ მივიდეს გამოძიება ბოლომდე. ძალიან ვწუხვარ, რომ ბავშვმა დაიწყო ტირილი. ყველაფერი შეიძლება მოხდეს. რახან ბავშვმა ტირილი დაიწყო, ცხოვრება უნდა დავუნგრიოთ ადამიანებს?" - ამბობს უცნობი.

ჟურნალისტ ვახო სანაიას და მისი ოჯახის წევრებს 25 თებერვალს დაესხნენ თავს. საქმეზე სამი ადამიანია დაკავებული.