საპატრიარქოს საზოგადოებასთან ურთიერთობის სამსახურის ხელმძღვანელის, ანდრია ჯაღმაიძის თქმით, პატრიარქის ლოცვა-კურთხევით შეიქმნა კომისია ნინოწმინდის ბავშვთა პანსიონში არსებული მდგომარეობის გასაცნობად. ჯაღმაიძე ამბობს, რომ ისინი ესაუბრნენ პანსიონში მცხოვრებ არასრულწლოვნებს და მისი თქმით, იქ სრულიად სიმშვიდეა.

"ამ დროისათვის, რასაც ჩვენ გავეცანით, რაც ჩვენ ვნახეთ, აქ სრულიად სიმშვიდეა, ბავშვები არიან ძალიან შეწუხებულები ერთადერთი ამ გარემოთი, რაც შეიქმნა, აჟიოტაჟით, და მხოლოდ ამით არიან დაძაბულები. ჩვენ ვიმედოვნებთ, რომ მუშაობენ შესაბამისი სამსახურებიც. მათ შორის ბავშვები გამოკითხვაზეც არიან და პირველები ვიქნებით ჩვენ, ვინც ხმას ამოიღებს, თუკი აქ ბავშვების უფლებების მიმართ იქნება რაიმე დარღვევები". – თქვა ჯაღმაიძემ.

სხალთის მთავარპესიკოპოსმა, სპირიდონმა გაავრცელა ვიდეოკადრები, რომელშიც ნინოწმინდის ბავშვთა სახლის არასრულწლოვანი ბენეფიციარები მონაწილეობენ. მეუფე სპირიდონი, აღსაზრდელებს ოთახში იბარებს და მათ ეუბნება კამერების წინაშე, თქვან, სურთ თუ არა პანსიონიდან წასვლა.

სახელმწიფო ინსპექტორმა ნინოწმინდის პანსიონატის ბენეფიციარი ბავშვების ჩანაწერების გავრცელების საკითხს შეისწავლის.