“თვითონ უმცირესობამაც რაღაც ზომიერება უნდა გამოიჩინოს”, — განუცხადაა მმართველი გუნდის წევრმა დავით სერგეენკომ ჟურნალისტებს “თბილისი პრაიდთან” დაკავშირებით. “ქართული ოცნების” თავმჯდომარის, ირაკლი კობახიძის განცხადებაზე, რომლის თანახმად, პრაიდის ორგანიზატორებს უარი უნდა ეთქვათ ხსენებული ღონისძიების ჩატარებაზე და არის თუ არა მსგავსი განცხადებები უმცირესობების უფლებების დარღვევა და ახალისებს თუ არა ხელისუფლება ძალადობას, სერგეენკომ თქვა, რომ პრაიდის ორგანიზატორებს ხელს არავინ უშლის.

“რთული სათქმელია. უფლებების შეზღუდვა, არ მგონია, იყოს. არავინ უშლით იმის გაკეთებას, რისთვისაც მონდომებული და მოწოდებულია ეს ხალხი... რაც შეეხება უფრო ხმამაღლა გამოხატვას, არ ვიცი, საზოგადოების სხვა ნაწილსაც უნდა შეეკითხონ ალბათ და მაინც და მაინც კონფრონტაციაზე არ უნდა წავიდნენ. არავინ არ უშლის არაფერში ხელს, უბრალოდ, რაღაც უფრო ნაკლები ენთუზიაზმით ჯობია,” - თქვა სეერგენკომ.