სამხრეთ კავკასიასა და ცენტრალურ აზიაში ნატოს გენერალური მდივნის სპეციალური წარმომადგენელი, ჯეიმს აპატურაი Facebook-ის გვერდზე ტვ პირველის ოპერატორ ლექსო ლაშქარავას გარდაცვალებას ეხმიანება და ამბობს, რომ საქართველოს მეგობებისა და პირადად მისთვის ეს ფაქტი ღრმად შემაშფოთებელია.

"ქართველი ჟურნალისტის, ლექსო ლაშქარავას გარდაცვალება, მას შემდეგ, რაც კვირის დასაწყისში მას ბრბომ სცემა, ღრმად შემაშფოთებელია საქართველოს ყველა მეგობრისთვის - მათ შორის ჩემთვისაც. დემოკრატიებში უმცირესობები დაცულია, მედია დაცულია, სიტყვის თავისუფლება დაცულია. ეს არის ევროატლანტიკური ღირებულებები. არც ერთი ინსტიტუცია, ან ორგანიზაცია არ არის გათავისუფლებული ამ პასუხისმგებლობისგან", წერს აპატურაი.