გიორგი კაპანაძეს და "მთავარი არხის" ჟურნალისტს ინტერვიუს დროს კორპუსიდან წყალი გადმოასხეს | ვიდეო
"ნაციონალური მოძრაობის" წევრ გიორგი კაპანაძესთან ინტერვიუს ჩაწერის დროს, ჟურნალისტსა და რესპონდენტს კორპუსიდან წყალი გადაასხეს. ინფორმაციას "მთავარი არხი" ავრცელებს.
მოგვიანებით, "მთავარი არხის" ჟურნალისტს იმავე კორპუსში მცხოვრებმა ერთ-ერთმა პირმა შეურაცხყოფა მიაყენა და უთხრა, რომ ალბათ წყლის გადასხმას იმსახურება.
მომხდარს უკვე გამოეხმაურა "მთავარი არხის" გენერალური დირექტორი, ნიკა გვარამია, რომელმაც საელჩოებს, სახალხო დამცველსა და კომპეტენტურ პირებს რეაგირებისკენ მოუწოდა.
