საქართველოს ჯანდაცვის მინისტრი ეკატერინე ტიკარაძე აცხადებს,  ასაკობრივ ჯგუფში ვაქცინაციაზე მოთხოვნა და აქტივობა დაბალია, თუმცა აღნიშნა, რომ ამ კომპონენტში ახალგაზრდები აქტიურობენ. მისი თქმით, თუ ვაქცინაციის დაბალი დონე ასაკობრივ ჯგუფში კვლავ შენარჩუნდება. ლეტალობის შემთხვევების რაოდენობა მაღალი იქნება.

„ჩვენი მხრიდან მოხდა გაანალიზება როგორც ასაკობრივი, ასევე სქესობრივი ჭრილის ვაქცინაციის და ლეტალობის, აქ ცალსახად კიდევ ერთხელ გამოიკვეთა, თუმცა რა თქმა უნდა, ვთვლით, რომ ამაში ნამდვილად ახალი არაფერი იყო, რომ 60 წლის ზევით განსაკუთრებით მაღალია ლეტალობა. ეს გვაძლევს საფუძველს იმისა, რომ ჩვენს მოქალაქეებს, რომლებიც არიან 60 წლის ზევით, ინტენსიურად მოვუწოდოთ ვაქცინაციისკენ. მამაკაცებში კრიტიკულ ასაკად გამოიკვეთა 70-79 წელი, ხოლო ქალებში 80-90 წელი. აცრების კომპონენტში რაც ძალიან სამწუხაროა, უნდა ვთქვათ, რომ ლიდერობენ ახალგაზრდები. კვლავ დაბალი გაქვს ასაკოვან ჯგუფში ვაქცინაციაზე მოთხოვნა. ვთვლით, რომ თუ ეს პირამიდა არ შეიცვლება ადეკვატურად, არ მივყვებით შარშან დადგენილ იმ ვაქცინაციის კალენდარს, რომელიც განსაზღვრული იყო საერთაშორისო პარტნიორების, ასევე ადგილობრივი ექსპერტების მხრიდან, სხვა შემთხვევაში ჩვენ სამწუხაროდ, კვლავ დაგვრჩება გადატვირთული კლინიკები და მაღალი ლეტალობის მაჩვენებელი"- თქვა ტიკარაძემ.

მისი თქმით,  ერთი დოზით ვაქცინირების შემთხვევაში ჰოსპიტალიზაციის რისკი არის 2,85 პროცენტი, ხოლო ორი დოზით ვაქცინირების შემთხვევაში 2,13 პროცენტი.