დღეს ჩვენ შემთხვევაში ჰოსპიტალიზაციაც და სიკვდილიანობაც უფრო მეტი არის ისევ 60 წელს ზემოთ პირებში, ყველაზე ნაკლები ვაქცინაციის მაჩვენებელი გვაქვს 60 წელს ზემოთ პირებში, - განაცხადა ჯანდაცვის მინისტრის მოადგილემ, თამარ გაბუნიამ.

მისი თქმით, აღნიშნული მაჩვენებელი სრულად საპრისპიროდ დაუყოვნებლივ უნდა შეიცვალოს.

"თანაფარდობა ვაქცინირებულებში ყველაზე მაღალი უნდა გვქონდეს 60 წლის ზემოთ, რომ ჩვენ რეალურად შემსუბუქება ჰისპიტალური დატვირთვის და რაც მთავარია, ლეტალური გამოსავლების კუთხით, ვიგრძნოთ.

ამდენად, ჩვენი მიზანი არის რა თქმა უნდა, რომ ბევრი მოქალაქე მოვიცვათ მოკლე დროში, მაგრამ მეტად მიზნობრივი ვაქცინაციის პროგრამების განხორციელება არის პრიორიტეტი და ამაზეც იმსჯელა გუშინ საკოორდინაციო და ვაქცინაციის საბჭომ და პროგრამები, რომლებსაც ჯანდაცვის სამინისტრო დაგეგმავს, იქნება უფრო მეტად მიმართული და ტარგეტირებული 60 წლის ზემოთ პირებზე, რადგან შემდეგი ტალღა იქნება კრიტიკულად საშიში ამ ასაკობრივი ჯგუფისთვის, თუ ჩვენ ახლა არ მივაღწიეთ მათ ვაქცინაცის", - თქვა გაბუნიამ.