დღეიდან ვაქცინაციის წამახალისებელი ლატარიის გათამაშება იწყება.

ლატარიის გათამაშებები გაიმართება ვებგვერდზე www.stopcov.lotto.ge -ზე ყოველდღე 12 საათზე, ხოლო ყოველკვირეული - ორშაბათს, ყოველდღიური ლოტოს გათამაშების დასრულებისთანავე.

ლატარიაში "აიცერი და მოიგე" მონაწილეობს ყველა ვაქცინირებული ადამიანი მთელი საქართველოს მასშტაბით, ვაქცინირებული მომხმარებლების იდენტიფიცირება პირველი აცრის რეგისტრაციისას NDCD-ის ბაზაში მინიჭებული საიდენტიფიკაციო კოდის მიხედვით მოხდება.

პირველი აცრის გაკეთებისთანავე ბენეფიციარი მონაცემთა ბაზაში ავტომატურად მიიღებს გათამაშების ბილეთს, აცრიდან მეორე დღესვე მიღებული ბილეთი ერთვება.

ლატარიის გაათამაშება გაიმართება წლის ბოლომდე, კვირაში ერთხელ იქნება შემაჯამებელი გათამაშება. ყოველდღიურად გათამაშდება 100 და 500 ლარი, ყოველკვირეულად - 1000, 1500, 5000 და 10 000 ლარის ოდენობის ჯილდო. შემაჯამებელი გათამაშება წლის ბოლოს მოეწყობა და მისი საპრიზო ფონდი იქნება 100 000 ლარი.