კორონავირუსის შემთხვევების გამო, თბილისში 14 ბაღი დროებით დაიხურა
თბილისში, საბავშვო ბაღების პერსონალსა და აღსაზრდელებს შორის „კოვიდ-19“-ის დადასტურების გამო, 14 ბაღი დაიხურა. ბაღების მართვის სააგენტოს ინფორმაციით, დახურული ბაღებია: მე-100, 72-ე,145-ე, 45-ე, 75-ე, 86-ე, 186-ე, მე-15, 173-ე, 38-ე, მე-10, 74-ე, 53-ე,135-ე.
თბილისის საჯარო ბაღები არსებული მძიმე პანდემიური ვითარებიდან გამომდინარე, ჯანდაცვის სამინისტროს მიერ დადგენილი რეგულაციებისა და რეკომენდაციების გათვალისწინებით მუშაობენ.
ქვეყნის მასშტაბით საბავშვო ბაღებში სასწავლო-სააღმზრდელო პროცესი 4 ოქტომბერს დაიწყო.
