ახალქალაქში შუახნის კაცმა ყოფილ ცოლს და მისი ოჯახის წევრებს სხვადასხვა სახის ჭრილობები ცივი იარაღით მიაყენა. დაჭრილია 5 ადამიანი, მათ შორის 10 თვის ბავშვიც. მიზეზად შურისძიება სახლდება. შემთხვევა გუშინ გვიან ღამით მოხდა. ბავშვს ჭრილობა ბარძაყის არეში აქვს მიყენებული.

მძიმეა  სიმამრის, სიდედრის და ცოლის დის ჯანმრთელობის მდგომარეობა. მათ მრავლობითი ჭრილობები აქვთ მიყენებული. 2 დაჭრილი თბილისის კლინიკაშია გადმოყვანილი.

არსებული ინფორმაციით, ციხიდან გათავისუფლებული პატიმარი ცოლის ოჯახში შურისძიების მიზნით შეიჭრა.

ყოფილი მეუღლის მიერ დაჭრილმა 32 წლის ქალმა, რომელიც უკვე სახლში იმყოფება, მედიას განუცხადა, რომ ქმარს ერთი წლის წინ დაშორდა. მისი თქმით, ყოფილ მეუღლეს ფსიქოლოგიური პრობლემები ჰქონდა.