იანუკოვიჩის მხრიდან, როდესაც იგი საუბრობდა იმაზე, რომ საერთაშორისო პარტნიორებს არ ჰქონდათ იმის უფლება, რომ შეეფასებინათ უკრაინაში არსებული მდგომარეობა, - განაცხადა ერთიანი ნაციონალური მოძრაობის დეპუტატი, ხატია დეკანოიძე პრემიერ-მინისტრ ირაკლი ღარიბაშვილის დრევანდელ განცხადებაზე.

"ღარიბაშვილის ეს განცხადება არის ძალიან სახიფათო, მათ შორის, მე მინდა, შევახსენო საზოგადოებას, რომ ასეთი განცხადებები კეთდებოდა იანუკოვიჩის მხრიდან, როდესაც იგი საუბრობდა იმაზე, რომ საერთაშორისო პარტნიორებს არ ჰქონდათ იმის უფლება, რომ შეეფასებინათ უკრაინაში არსებული მდგომარეობა.

ღარიბაშვილის იმიჯი ჩვენ ძალიან კარგად ვიცით საერთაშორისო ასპარეზზე. მათ შორის ის სკანდალური განცხადებები და ზიზღის ენა, რომლითაც ის გამოირჩევა, როგორც საქართველოს ისტორიაში ერთ-ერთი ყველაზე უფრო აგრესიული მინისტრი, შესაბამისად, ახალი და განსაკუთრებული მას არაფერი არ უთქვამს, გარდა იმისა, რომ ასეთი განცხადებები სახიფათოა საქართველოს ეროვნული და სტრატეგიული ინტერესებისთვის. ყველას უნდა ესმოდეს, რომ საქართველო არ შეიძლება, დარჩეს მარტო, პირისპირ მტერთან", - განაცხადა ხატია დეკანოიძემ.

ღარიბაშვლმა თქვა, რომ "ჩვენ არავის დავუხრით თავს, მაგრამ არც არავის ვუყურებთ ზემოდან, საქართველო სუვერენული სახელმწიფოა, რომელიც ჩვენს ამაყ და თავისუფლებისმოყვარულ ხალხს ეკუთვნის და ამას ყველამ სათანადო პატივი უნდა სცეს".