მომენტში, როდესაც საქართველოს აქვს შანსი, რომ დაეხსნას რუსეთის კლანჭებს და გახდეს ცივილური სამყაროს სრულუფლებიანი წევრი, გვყავს ხელისუფლება, რომელიც ერთი-ერთში იმეორებს კრემლის გზავნილებს - ამის შესახებ "ევროპული საქართველოს" წევრმა, ლაშა დამენიამ ჟურნალისტებთან საუბრისას განაცხადა.

"საქართველოს და მსოფლიოსთვის ამ ისტორიულ მომენტში, როდესაც ქვეყანას აქვს იმის შანსი, რომ გაძვრეს რუსეთის გავლენისგან, სამწუხაროდ გვყავს ეგრდეწოდებული პრემიერმინისტრი, რომელიც არის პროპუტინისტური ძალების ჩვეულებრივი პროპაგანდისტი და ერთ-ერთში იმეორებს კრემლის გზავნილებს, ეს მისი მხრიდან მხოლოდ სიმხდალისა და მავნებლობის მაჩვენებელია", - განაცხადა დამენიამ.