თურქეთის რესპუბლიკის საგარეო საქმეთა მინისტრის ოფიციალური ვიზიტი საქართველოში დაიწყო. თბილისის საერთაშორისო აეროპორტში მევლუთ ჩავუშოღლუს დახვედრის ოფიციალური ცერემონია გაიმართა.

ამ წუთებში საგარეო საქმეთა სამინისტროში მიმდინარეობს საქართველოს საგარეო საქმეთა მინისტრის შეხვედრა თურქ კოლეგასთან. მხარეები განიხილავენ თურქეთ-საქართველოს შორის ორმხრივი თანამშრომლობის საკითხებს.  შეხვედრის დასრულებისას მინისტრები პრესისთვის ერთობლივ  განცხადებებს გააკეთებენ.

საქართველოში ვიზიტის ფარგლებში თურქეთის რესპუბლიკის საგარეო საქმეთა მინისტრი შეხვედრებს გამართავს საქართველოს პრეზიდენტთან, პრემიერ-მინისტრთან და პარლამენტის თავმჯდომარესთან.  

19 თებერვალს თურქეთის საგარეო საქმეთა მინისტი მონაწილეობას მიიღებს  აზერბაიჯანის, საქართველოს და თურქეთის საგარეო საქმეთა მინისტრების სამმხრივ შეხვედრაში.