კრემლში აცხადებენ, რომ რუსეთი არ შეასრულებს გაერო-ს საერთაშორისო სასამართლოს მოთხოვნას და უკრაინაში საომარ მოქმედებებს არ შეწყვეტს. ამის შესახებ რუსეთის პრეზიდენტის პრესსპიკერმა დმიტრი პესკოვმა ჟურნალისტის შეკითხვის პასუხად განახადა.

„არა, ჩვენ ვერ გავითვალისწინებთ ამ გადაწყვეტილებას. საერთაშორისა სასამართლოს აქვს ასეთი განმარტება „მხარეთა შეთანხმება“, აქ ვერ იქნება ვერანაირი შეთანხმება. მოცემულ შემთხვევაში ეს ის არის, რასაც ჩვენ ვერ გავითვალსწინებთ“, - განაცხადა პესკოვმა.

ჰააგაში, გაეროს მართლმსაჯულების საერთაშორისო სასამართლომ (ICJ) რუსეთს მოსთხოვა, შეწყვიტოს 2022 წლის 24 თებერვალს უკრაინაში დაწყებული საომარი მოქმედებები.

რუსეთის ფედერაციამ საქმეზე საბოლოო გადაწყვეტილების მოლოდინში უნდა შეაჩეროს საომარი მოქმედებები, რომელიც დაიწყო 2022 წლის 24 თებერვალს უკრაინის ტერიტორიაზე", - განაცხადა მოსამართლემ.

მოსამართლეებმა დასძინეს, რომ რუსეთმა ასევე უნდა უზრუნველყოს, რომ სხვა ძალებმა, რომლებიც მის კონტროლს ან მოსკოვის მხარდაჭერას ექვემდებარება, ასევე შეწყვიტონ სამხედრო მოქმედებები.

გადაწყვეტილება მიიღეს 13 ხმით ორის წინააღმდეგ, წინააღმდეგი იყო რუსეთისა და ჩინეთის მიერ წარდგენილი მოსამართლეები.