საქართველოს სხვადასხვა ქალაქში, პატივი მიაგეს უკრაინაში გარდაცვლილი ქართველი მებრძოლების ხსოვნას
დღეს, 15:00 საათზე, საქართველოს სხვადასხვა ქალაქში, პატივი მიაგეს უკრაინაში გარდაცვლილი ქართველი მებრძოლების, გია ბერიაშვილისა და დავით რატიანის ხსოვნას.
პარტია "დროას" თბილისისა და ყველა რაიონული ორგანიზაციის წევრებმა ქართველი მებრძოლების ფოტოები, ყვავილები და სანთლები მიიტანეს ქალაქების მთავარ მოედნებზე.
თბილისში, პარლამენტის წინ, რუსეთის წინააღმდეგ ბრძოლაში დაღუპული ქართველების ხსოვნას პატივი მიაგო უკრაინის ელჩმა, იგორ დოლგოვმა.
