ხერსონში ოკუპანტების საწინააღმდეგო აქციაზე მშვიდობიან მოქალაქეებს რუსმა სამხედროებმა ცეცხლი გაუხსნეს
ხერსონში თავისუფლების მოედანზე შეკრებილ ადამიანებს, რომლებიც ოკუპანტების საწინააღმდეგო მიტინგს მართავდნენ, რუსმა სამხედროებმა ცეცხლი გაუხსნეს. ინფორმაციას უკრაინული მედია ავრცელებს.
არიან დაჭრილები. გავრცელებულ ვიდეოში ჩანს, რომ ადამიანები უახლოვდებიან მოედანზე მდებარე ძეგლს, რა დროსაც რუსი სამხედროები მათი მიმართულებით ხსნიან ცეცხლს და ისვრიან ხმოვან-მანათობელ ყუმბარებს.
დაჭრილები სასწრაფო-სამედიცინო ბრიგადებმა გაიყვანეს.
ხერსონში ყოველ დღე იმართება რუსი ოკუპანტების სააწინააღმდეგო აქციები, სადაც ასობით ადამიანი იკრიბება.
