დიდი ბრიტანეთის თავდაცვის უწყებამ  Twitter-ზე  გამოაქვეყნა რუკა, რომელზეც ასახულია რუსეთის ძალების მიერ უკრაინის დაპყრობილი ტერიტორიები და ადგილები, სადაც საომარი მოქმედებები მიმდინარეობს.

რუკაზე მოცემულია ბოლო ინფორმაცია უკრაინაში არსებულ სიტუაციაზე, რომელსაც ბრიტანეთის დაზვერა 28 მარტის მდგომარეობით ფლობს. წითელი ფერით აღნიშნულია ტერიტორიები, რომლებსაც რუსეთის არმია აკონტროლებს, ხოლო ის ტერიტორიები, რომლებისთვისაც ბრძოლები მიმიდინარეობს შტრიხებით არის მოცემული.

ამასთან, უკრაინის თავდაცვის სამინიტრო არ საუბრობს ოკუპაციის მასშტაბებზე. თავდაცვის მინისტრის მოადგილე ანა მალიარს ტელემარათონის ეთერში დაპყრობილი დასახლებების რაოდენობაზე ყურდღება არ გაუმახვილებია, რადგან ბრძოლები გრძელდება და სიტუაცია ყოველწამიერად იცვლება.

ასევე, დიდი ბრიტანეთის თავდაცვის უწყებამ 28 მარტს განაცხადა, რომ გასული 24 საათის განმვალობაში რუსული ჯარების პოზიციების ცვლილები არ დაფიქსირებულა.

„პრობლემები მატერიალური-ტექნიკური უზრუნველყოფის მიმართულებით, ასევე უკრაინელების მხრიდან თავგანწირული ბრძოლა რუს სამხედროებს შორის აღრმავებს დემორალიზაციას“, - ნათქვამია ბრიტანეთის დაზვერვის განცხადებაში.

რუსეთის არმიას ძირითადად დაკავებული აქვს პოზიციები სამხრეთით, მარიუპოლის რაიონში გრძელდება სასტიკი ბრძოლები, რადგან რუსეთი ცდილობს დაიკავოს აზოვის ზღვის სანაპიროს ეს საპორტო ქალაქი, რადგან მისთვის სტრატეგიულად მნიშვნელოვან ობიექტს წარმოადგენს.