ქაშვეთის ეკლესიაში უკრაინაში დაღუპული ქართველი მებრძოლის, დავით გობეჯიშვილის სამოქალაქო პანაშვიდი მიმდინარეობს.

დავით გობეჯიშვილი ვარშავიდან სამშობლოში დღეს დილით გადმოასვენეს. აეროპორტში ქართველი ჯარისკაცისთვის პატივის მისაგებად მისი ოჯახის წევრები, მეგობრები, რიგითი მოქალაქეები და ოპოზიციონერი პოლიტიკოსები იყვნენ შეკრებილი.

ცხედარს საღამოს ტყიბულში გადაასვენებენ. დავით გობეჯიშვილს სამოქალაქო სასაფლაოზე სამხედრო პატივით დაკრძალავენ.

დავით გობეჯიშვილი 4 დღის წინ ირპითან სარაკეტო თავდასხმას ემსხვერპლა. ის მეოთხე ჯარისკაცია, რომელიც უკრაინაში რუსული აგრესიის წინააღმდეგ ბრძოლის დროს დაიღუპა.