პენტაგონში აცხადებენ, რომ  რუსული არმიის ცალკეული დანაყოფების გასვლის მიუხედავად, კიევი ისევ საფრთხის ქვეშ არის და ავიადარტყმები გრძელდება.

ამის შესახებ პენტაგონის მაღალი რანგის წარმომადგენელმა განაცხადა ჩრდილოეთ და აღმოსავლეთ მიმართულებებით რუსული ჯარების გაყვანის პორცესის კომენტირებისას. იუწყება "ამერიკის ხმა".

მისი განცხადებით, ბოლო 24 საათში რუსული დანაყოფების მასობრივი მოძრაობა არ შეინიშნებოდა.

პენტაგონის წარმომადგენლის თქმითვე, კიევის შემოგარენიდან რუსული ჯარების გაყვანა მიანიშნებს იმაზე, რომ რუსეთის არმიის მეთაურები ხვდებიან, რომ დედაქალაქის აღების გეგმა ჩაეშალათ. მისივე თქმით, რუსი ჯარისკაცების საბრძოლა სულისკვეთება ძალიან დაბალია.

 „ჩვენ, როგორც ადრე, ვხედავთ დანაყოფების თანმიმდევრობის, მართვისა და კონტროლის, ასევე არმიის ხელმძღვანელობის კომპენტეტურობის პრობლემებს“, - განაცხადა პენტაგონის წარმომადგენელმა.