იტალიის საგარეო საქმეთა მინისტრმა ლუიჯი დი მაიომ განაცხადა, რომ იტალია მზად არის უკრაინის ნეიტრალიტეტის გარანტორი გახდეს. უკრაინული მედიის ცნობით, ამის შესახებ მან ბაქოში თავის აზერბაიჯანელ კოლეგასთნ ჯეიჰუნ ბაირამოვთან შეხვედრის შემდეგ ისაუბრა.

„იტალია მუშაობს ნონ-სტოპის რეჟიმში, რათა დასრულდეს ეს კონფლიქტი სანქციების დახმარებით. არასდროს გვითქვამს უარი დიპლომატიური არხებზე.

ქვეყნებს შორის მოლაპარაკების გაგრძელება და ჰუმანიტარული დაზავება პრიორიტეტს წარმოადგენს. ჩვენ ვხედავთ პროგრესს, რომელიც თურქეთში იქნა მიღწეული ორი დელეგაციის შეხვედრის შედეგად. იტალიის მთავრობა მზად არის თავისი წვლილი შეიტანოს სამშვიდობო პროცესში და გახდეს უკრაინის ნეოტრალიტეტის გარანტორი“,- განაცხადა იტალიის საგარეო საქმეთა მინისტრმა.