უკრაინის ხელისუფლება კრეისერ „მოსკვას“ წყალქვეშა კულტურული მემკვიდრეობის ობიექტად აღიარებს. ინფორმაციას BBC ავრცელებს.

უკრაინის თავდაცვის სამინისტროს ინფორმაციით, ჩაძირული კრეისერი უკრაინის წყალქვეშა კულტურული მემკვიდრეობის რეესტრში 2064 ნომრით შევიდა.

„იუნესკოს კონვენციის თანახმად, კაცობრიობის საქმიანობის ყველანაირი კვალი შავი ზღვის ფსკერზე ჩვენი სახელმწიფოს ეკონომიკური საქმიანობის ფარგლებში უკრაინის საკუთრებას წარმოადგენს“, - ნათაქვამია უწყების განცხადებაში.

13 აპრილს უკრაინამ განაცხადა, რომ გემს ნეპტუნის რაკეტები მოხვდა, რის შემდეგაც ხომალდზე ხანძარი გაჩნდა. რუსეთის თავდაცვის სამინისტრომ, კრეისერის ჩაძირვა 15 აპრილს დაადასტურა. გამოცემა "მედუზას” ინფორმაციით, დაიღუპა 37 და დაშავდა 100-მდე ადამიანი. ამასთან, არიან დაკარგულებიც. კრეისერზე 500-მდე ადამიანი იმყოფებოდა.