საქართველოს მესამე პრეზიდენტის, მიხეილ სააკაშვილის ოჯახი მიხეილ სააკაშვილის საზღვარგარეთ სამკურნალოდ გადაყვანის მოთხვონით პეტიციას აქვეყნებს.

ოჯახის წევრების განცხადებით, პეტიციაზე ხელმოწერებს საქართველოს პრეზიდენტს წარუდგენენ.

"სახალხო დამცველის მიერ შექმნილმა კონსილიუმმა, რომელიც პროფესიონალი ექიმების მიერ არის დაკომპლექტებული, გამოაქვეყნა დასკვნა, სადაც წერია, რომ მიხეილ სააკაშვილი საჭიროებს გადაუდებელ სამედიცინო დახმარებას, რათა მოხდეს მისი სიცოცხლის გადარჩენა.

იმის გათვალისწინებით, რომ როგორც პენიტენციურ სამსახურში ასევე საქართველოში შეუძლებელია პაციენტის მკურნალობა ოჯახი ვითხოვთ საქართველოს მესამე პრეზიდენტის მიხეილ სააკაშვილი დაუყონებლივ გადაყვანას საზღვარგარეთ შესაბამის კლინიკაში.

ჩვენი, როგორც ოჯახის უპირველესი მიზანია, გადავარჩინოთ მიშა და სწორედ ამ მიზნით დავიწყეთ ხელმოწერების შეგროვება, რომელსაც წარვუდგენთ საქართველოს პრეზიდენტს", - წერს მესამე პრეზიდენტის ოჯახი.