„აზოვის» პოლკის მეთაურის მოადგილის, სვიატოსლავ პალამარის ინფორმაციით, მარიუპოლში „აზოვსტალის“ ქარხნის ნანგრევებიდან 20 მშვიდობიანი მოქალაქის, მათ შორის ქალებისა და ბავშვების გამოყვანა შეძლეს.

პალამარი ამბობს, რომ მთელი ღამის განმავლობაში „აზოვსტალის“ ტერიტორიაზე მტერი საარტილერიო დაბომბვებს არ წყვეტდა, რამაც გამოიწვია ახალი ნანგრევების გაჩენა. სიჩუმის რეჟიმი დილის 6 საათიდან უნდა დაწყებულიყო, თუმცა ხუთი საათით დააგვიანა. ამჟამად საბრძოლო მოქმედებებ არ მიმდინარეობს და კვლავ გრძელდება სამაშველო ოპერაცია, რომელსაც „აზოვის“ სამხედროები აწარმოებენ

მან იმედი გამოთქვა, რომ ეს მოქალაქეები უკრაინის კონტროლირებად ტერიტორიამდე, ზაპოროჟიეში მივლენ.

პალამარი ასევე იმედოვნებს, რომ აზოვსტალიდან ყველა მოქალაქის და ასევე დაჭრილი სამხედროების ევაკუაციასაც შეძლებენ. თუმცა პალამარის თქმით, დაჭრილების ევაკუაციაზე საუბარი არ არის.

„ამ ადამიანებს სასწრაფოდ სჭირდებათ სამედიცინო დახმარება. მაგრამ ჩვენთვის უცნობია, რატომ არ მიჰყავთ ისინი, მათზე საუბარი საერთოდ არ არის“, - თქვა პალამარმა.