ბრიტანეთის პრემიერ-მინისტრ, ბორის ჯონსონსა და უკრაინის პრეზიდენტ ვოლოდიმირ ზელენსკის შორის სატელეფონი საუბარი შედგა.

დიდი ბრიტანეთი კვლავ მტკიცედ უჭერს მხარს უკრაინას რუსეთის საოკუპაციო ძალების წინააღმდეგ ბრძოლაში. პრემიერმა ბორის ჯონსონმა განაცხადა, რომ გაერთიანებული სამეფო ყველაფერს გააკეთებს უკრაინის გაძლიერებისა და პუტინის წარუმატებლობის უზრუნველსაყოფად.

სატელეფონო საუბრის შემდეგ ჯონსონმა Twitter-ის გვერდზე დაწერა, რომ ბრიტანეთი გააგრძელებს უკრაინის სამხედრო და ჰუმანიტარულ მხარდაჭერას, რათა უკრაინის შეიარათებულ ძალებს ჰქონდეს საჭირო აღჭურვილობა რუს ოკუპანტებთან წინააღმდეგ ბრძოლაში.

„მე ერთგული ვარ უკრაინის გაძლიერებისა და პუტინის წარუმატებლობის უზრუნველყოფის, ისე როგორც არასდროს“, - განაცხადა ჯონსონმა.

დიდი ბრიტანეთის პრემიერთან გამართულ სატელეფონო საუბართან დაკავშირებით Twitter-ზე წერს უკრაინის პრეზიდენტიც.

„ვინარჩუნებ მუდმივ კონტაქტს ბრიტანეთის პრემიერ-მინისტრ ბორის ჯონსონთან. ვესაუბრე ბრძოლის ველზე და ბლოკირებულ მარიუპოლში არსებულ ვითარებაზე. განვიხილეთ უკრაინის თავდაცვის მხარდაჭერა და მშვიდობის მისაღწევად აუცილებელი დიპლომატიური ძალისხმევა“, – წერს ვილოდიმირ ზელენსკი.