რუსეთის ფედერაცია ცდილობს მისთვის დაწესებული ეკონომიკური სანქციების დამანგრეველი შედეგები და მოლაპარაკებებს აწარმოებს საქართველოსთან, სომხეთთან და აზერბაიჯანთან რუსული პროდუქციის საერთაშორისო ბაზარზე რეექსპორტის შესახებ. ინფორმაციას გამოცემა "უნიანი" უკრაინის უკრაინის თავდაცვის სამინისტროს სადაზვერვო სამმართველოზე დაყრდნობით ავრცელებს.

დაზვერვის ინფორმაციით, რუსეთი გეგმავს პროდუქციის წარმოებას ქართული, სომხური და აზერბაიჯანული პროდუქციის საფარქვეშ და შემდეგ მათ ექსპორტს მესამე ქვეყნებში. უკრაინის მხარის განცხადებით, ომის დაწყების შემდეგ ამ მიზნით ჩამოთვლილ ქვეყნებში უკვე 200-ზე მეტი კომპანიაა რეგისტრირებული.

უკრაინის დაზვერვა აცხადებს, რომ "ОДКБ"-ს ქვეყნების გამოყენებით მოსკოვი ცდილობს სამხედრო პროდუქცია რუსეთის არმიისთვის და ორმაგი დანიშნულების პროდუქცია, რომლების შესაქმნელადაც საჭიროა უცხოეთიდან შემოტანილი ნაწილები.

"მოსკოვი ფიქრობს "ОДКБ"-ს ქვეყნების (ბელარუსი, სომხეთი, ყაზახეთი, ყირგიზეთი, ტაჯიკეთი) გამოყენებით აწარმოოს სამხედრო პროდუქცია რუსეთის არმიისთვის და ორმაგი დანიშნულების პროდუქცია, რომლების შესაქმნელადაც საჭიროა უცხოეთიდან შემოტანილი ნაწილები. ამ გზით რუსეთი გაზრდის ამ ქვეყნების ეკონომიკურ დამოკიდებულებას კრემლზე, რაც ყოველთვის იყო რუსეთის ინტერესებში.

სომხეთი ხელსაყრელ პირობებს უქმნის რუსულ ბიზნეს კომპანიებს, პირველ რიგში, IT სექტორში. რუსეთის ფედერაციის ფართომასშტაბიანი აგრესიის დაწყებიდან უკრაინის წინააღმდეგ, დაახლოებით რუსეთის 85 ათასი მოქალაქე და 113 IT კომპანია გადავიდა სომხეთში. რუსეთის მოქალაქეებმა სომხეთის ტერიტორიაზე ათასამდე კერძო საწარმო და 250-ზე მეტი შპს შექმნეს, რომლებიც გადასახადებს გადაიხდიან 2 ქვეყნის - სომხეთის და რუსეთის ბიუჯეტში" - ნათქვამია დღეს, პირველ მაისს გავრცელებულ განცხადებაში.

უკრაინის დაზვერვამ მსგავსი ინფორმაცია 4 აპრილსაც გაავრცელა. მაშინ დაზვერვა აცხადებდა, რომ რუსი აგენტები სანქციების გვერდის ავლით ქმნიდნენ კონტრაბანდის არხებს, რომლებიც საქართველოს ტერიტორიაზე გადიოდა.