უკრაინელი მესაზღვრე რომან გრიბოვი, კუნძულ ზმეინიდან, რომელიც ცნობილი ფრაზის „რუსკი კორაბლ იდი ნა ხუის“ ავტორია, მედიასთან რუსების ტყვეობაში გატარებულ დღეებს იხსნებს.

როგორც უკრაინის გმირმა „24-ე არხს“ განუცხადა, არ ახსოვს, რომელ მომენტში თქვა ცნობილი ფრაზა. მისი თქმით, იმ დროს დიდი აურზარი იყო, რადგან არავინ ელოდა, რომ ასეთი სისასტიკე მოხდებოდა. 

მესაზღვრემ აღნიშნა, რომ მაშინ ოკუპანტებმა არ იცოდნენ, ვინ ყო ამ ფრაზის ავტორი, რამაც მისი აზრით, სიცოცხლე შეუნარჩუნა.

„მათ არ იცოდნენ, ვინ თქვა ეს {ფრაზა}. და ეს კარგია, რადგან ვფიქრობ, ამ შემთხვევაში კარგად არ მომექცეოდნენ და სახლში ვერ დავბრუნდებოდი“, - ამბობს გრიბოვი.

მისი თქმით, რუსებს ისედაც არ ჰქონდათ კარგი დამოკიდებულება უკარინელი ტყვეების მიმართ. სამჯერ გადაიყვანეს ერთი ადგილიდან მეორეზე. მისივე თქმით,  დამპყრობლები მიმართავდნენ როგორც ფსიქოლოგიურ, ისე ფიზიკურ წამებას.  

„დაიწყო ყირიმიდან. შემდეგ იყო კარვების ბანაკები, წინასწარი დაკავების იზოლატორები. ჩვენ ძაღლებზე უარესად გვექცეოდნენ. გვაცმევდნენ პატიმრების ფორმებს, გვანადგურებდნენ მორალურად. ყველას ერთნაირად ექცეოდნენ, მათთვის სულერთი იყო ვინ იდგა მათ წინაშე - სამხედრო, ქალი, სასულიერო პირი“, - ამბობს მესაზღვრე.

გარდა ამისა, მათ ეუბნებოდნენ, რომ რუსეთის არმიამ უკვე დაიპყრო კიევი, ამიტომ წასასვლელი არსად ჰქონდათ.

მხოლოდ ერთთვიანი ტყევობის შემდეგ - 24 მარტს რომან გრიბოვი და სხვა მესაზღვრეები გაცვალეს. გაცვლის შესახებ უკარინელმა სამხედროებმა ბოლო მომენტამდე არაფერი იცოდნენ. ფიქრობდნენ, რომ დასახვრეტად მიჰყავდათ: მათ შეუკრეს ხელები, ყელზე ყულფები მოუჭირეს, ავტომობილში დასხეს და ზემოდან ნივთები დააყარეს.  

გრიბოვს ტყვეობაში ყოფნის პერიოდში წარმოდგენა არ ჰქონდა, თუ რა მოჰყვა მის ფრაზას.

„ადამიანისგან, რომელიც გაცვლით იყო დაკავებული, შევიტყვე: „თქვენ იცით, რომ ლეგენდარული ფრაზის ავტორი ხართ?“ თავიდან ვერ მივხვდი, რას მეუბნებიდა. როდესაც სახლს მივუახლოვდი, მივხვდი. სიმართლე გითხრათ, უხერხულად ვიგრძენი თავი. მე უბრალო ადამიანი ვარ. აქ კი ისეთი დიდი ყურადღება მაქვს. ეს ფრაზა ხალხს ამხნევებს, ამიტომ დედაჩემმა გაიგო და მხარი დაუჭირა. რა თქმა უნდა, ეს ძალიან კარგი არ არის,  ის ხომ უხამს ლექსიკას შეიცავს, მაგრამ მე ზრდასრული ვარ და ამიტომ შემიძლია ასე გამოვხატო საკუთარი თავი“, - თქვა მესაზღვრემ.

24 თებერვალს რუსმა ოკუპანტებმა ოდესის ოლქის კუნძული ზმეინი აიღეს.

მაშინ შინაგან საქმეთა მინისტრმა მრჩეველმა ანტონ გერაშჩენკომ გამოაქვეყნა აუდიოჩანაწერი, სადაც რუსეთის ხომალდის ეკიპაჟისა და უკრაინელი მესაზღვრის საუბარი ისმის. აუდიოჩანაწერში ოკუპანტი უკრაინელებს დანებებას სთხოვს, რაზედაც უკრაინელი მესაზღვრემ პასუხობს: "რუსულო გემო, იდი ნა ხუი." ოკუპანტებმა კუნძულზე მყოფი სამხედროები ტყვედ აიყვანეს.

რომან გრიბოვს "ჩერკასისადმი გაწეული სამსახურისთვის" ჯილდოც გადაეცა.