ჰავანის სასტუმროში აფეთქების შედეგად დაღუპულთა რაოდენობა 22-მდე გაიზარდა
კუბის დედაქალაქ ჰავანაში, ხუთვარსკვლავიან სასტუმრო „სარატოგაში“ მომხდარი აფეთქების შედეგად დაღუპულთა რაოდენობა 22-მდე გაიზარდა. ინფორმაციას AFP ოფიციალურ მონაცემებზე დაყრდნობით ავრცელებს.
გავრცელებული ინფორმაციით, დაშავებულია 50-ზე მეტი ადამიანი. წინასწარი მონაცემებით აფეთქება გაზის გაჟონვის შედეგად მოხდა.
ჰავანის ძველ რაიონში მდებარე ხუთვარსკვლავიან სასტუმრო „სარატოგაში“ 96 ოთახია. არსებული მონაცემებით, აფეთქების დროს სასტუმრო დაკეტილი იყო.
