უკრაინის საზღვაო ქვეითების 36-ე ბრიგადის მეთაურმა სერჰი ვოლინამ, რომელიც “აზოვის“ პოლკთან ერთად მარიუპოლში “აზოვსტალის“ ქარხანაში იმყოფება და რუსეთის ძალებს მედგარ წინააღმდეგობას უწევს, Facebook-ზე წერილი გამოაქვეყნა. ვოლინა ამბობს, რომ „აზოვსტალის“ დამცველები ჯოჯოეთურ რეალითი-შოუში აღმოჩნდნენ, რომელსაც მელი მსოფლიო თვალს ადევნებს. ვოლინა იმდოვნებს, რომ ყველაფრის მიუხედავად, საბოლოოდ მათი გადარჩენის გადწყვეტილება მიღებული იქნება.

„თითქოს რომელიღაც ჯოჯოხეთურ რეალითი-შოუში აღმოვჩნდით, სადაც ჩვენ მეომრები, სიცოცხლისთვის ვიბრძვით, გადარჩენის ყოველ შანსს ვიყენებთ, მთელი მსოფლიო კი   საინტერესო სიუჟეტს უყურებს! ასეთ სცენარებს იყენებენ ფილმებსა და სერიალებში. განსხვავება მხოლოდ ის არის, რომ ეს ფილმი არაა და ჩვენ გამოგონილი პერსონაჟები არ ვართ! ეს რეალური ცხოვრებაა! ტკივილი, ტანჯვა, შიმშილი, წამება, ცრემლები, შიში, სიკვდილი - ყველაფერი სინამდვილეა!

რა მაკვირვებს?

ცინიზმი! ადამიანების ცინიმზს საზღვარი არ აქვს! არსებობს საყოველთაო წესები, ისინი ერთნაირია ყველასთვის, დამოწმებული კანონებით, ხელმოწერითა და ბეჭდით, მაგრამ არ მოქმედებს! მაშინ რა საჭიროა ისინი?

რისი იმედი მაქვს?

სასწაულის!!! იმის, რომ უმაღლესი ძალები (ამ სიტყვიის ფართო გაგებით) იპოვიან ჩვენი გადარჩენის გადაწყვეტილებას! და ეს ჯოჯოხეთური რეალითი-შოუ დასრულდება...

უმაღლესო ძალებო, ჩვენ ველოდებით თქვენი გადაწყვეტილებების შედეგებს... დრო იწურება, დრო კი - ეს ჩვენი სიცოცხლეა!

საზღვაო ქვეითები – მუდამ ერთგულნი იქნებიან! დიდება უკრაინას!

P.S. თეთრი დროშები, მოქალაქეთა ევაკუაციისთვის, უკვე ოთხჯერ იქნა გამოყენებული ხალხის თითოეული ევაკუაციის დროს. ბოლო ევაკუაციის საფასური – სამი მოკლული და ექვსი დაჭრილი სამხედრო. მარიუპოლის გარნიზონმა მშვიდობიანი მოსახლეობის გადასარჩენად გააკეთა ყველაფერი. ვთხოვთ, ყველას, გამოიჩინეთ ძალისხმევის მაქსიმუმი სამხედროების ევაკუაციისთვის,"- წერს ვოლინა.

დღეს, უკრაინის ვიცე-პერმიერმა ირინა ვერეშჩუკმა განაცხადა, რომ აზოვსტალის“ ქარხანაში მყოფი ყველა ქალი, ბავშვი და მოხუცი ევაკუირებულია.