რუსეთის არმია გენოციდით არის დაკავებული. ახლა უკრაინაში კიდევ ოთხი ბუჩაა, - ამის შესახებ უკრაინის პრეზიდენტის ოფისის ხელმძღვანელის მრჩეველმა ოლექსეი არესტოვიჩმა ისრაელის ტელერახ  Channel 9-ის ეთერში განაცხადა. მისი თქმით, ბუჩას მსგავსი სისასტიკეები ზაპოროჟიესა და ხერსონის მიმართულებებზე ხდება.

„ჯერჯერობით საკითხი დგას უკრაინელი ხალხის გადარჩენაზე, რადგან რუსული არმია აქ გენოციდით არის დაკავებული, და სხვათა შორის გაეროს საერთაშორისო სასამართლო ამ საქმეს განიხილავს სწორედ, როგორც რუსეთის გენოციდს უკრაინის წინააღმდეგ“, - აღნიშნა არესტოვიჩმა.

მისი თქმით, სწორედ ახლა უკრაინაში ბუჩას მსგავსი სისასტიკეები ხდება - ორი ზაპოროჟიესა და ორი ხერსონის მიმართულებებზე.

„მასობრივი გაუპატიურებები, ბავშვების მკვლელობები, მოხუცების, მშვიდობიანი მოქალაქეების დახვრეტა... რომელ „ძმობაზე“ შეიძლება ლაპარაკი? ეს საქმე.. ურთიერთობებიც რომ აღდგეს - ჩვენ ბოლოს და ბოლოს მეზობლები ვართ, ეს ძალიან შორეული ამბავია. ახლა ჩვენი ამოცანაა - გადავრჩეთ“, - დასძინა არესტოვიჩმა.