ადამიანი თვალსა და ხელს შუა დნება, არ ვიცი რამდენ ხანს გაუძლებს, - ამის შესახებ ახალქალაქის, კუმურდოსა და კარის მიტროპოლიტმა მეუფე ნიკოლოზმა ციხეში მიხეილ სააკაშვილის მოახულების შემდეგ განაცხადა.

მეუფის განცხადებით, მესამე პრეზიდენტი ძალიან სუსტად გამოიყურება.

"ბოლო დროს ხშირად მიწევს შესვლა და ადამიანი თვალსა და ხელს შუა დნება. როგორ გითხრათ და ძალიან გამხდარი და დასუსტებულია. რაც მომეჩვენა იმას ვამბობ.რამდენ ხანს გაუძლებს ესე არ ვიცი. თუ მისგან დამოუკიდებლად ხდება მისი ასეთი დასუსტება, ეს ძალიან საგანგაშოა. არაფერზე არ გვისაუბრია, მე მხოლოდ იმისთვის ვიყავი, რომ საიდუმლოებები აღმესრულებინა", - თქვა მეუფე ნიკოლოზმა.