რუსეთის თავდაცვის სამინისტროს თქმით, აზოვსტალის ქარხნის ტერიტორიიდან დაჭრილი უკრაინელი სამხედროების გაყვანის შესახებ შეთანხმება მიღწეულია. ინფორმაციას "ინტერფაქსი" რუსეთის თავდაცვის სამინისტროზე დაყდნობით ავრცელებს.

"16 მაისს მარიუპოლში, აზოვსტალის მეტალურგიულ ქარხანაში ბლოკირებულ უკრაინელი სამხედროების წარმომადგენლებთან მოლაპარაკებების შედეგად, დაჭრილთა გაყვანის შესახებ შეთანხმება იქნა მიღწეული", – აცხადებს სამინისტრო.

სამინისტროს განცხადებით, დაჭრილი სამხედროები ე.წ დონეცკის სახალხო რესპუბლიკის ტერიტორიაზე სამედიცინო დაწესებულებაში გადაჰყავთ.

"ამჟამად, ქარხნის ტერიტორიაზე ცეცხლის შეწყვეტის შეთანხმება შედგა და გაიხსნა ჰუმანიტარული დერეფანი, რომლის გავლითაც უკრაინელი სამხედროები გადაჰყავთ დონეცკის სახალხო რესპუბლიკაში მყოფ ნოვოაზოვსკის სამედიცინო დაწესებულებაში, რათა უზრუნველყონ ისინი ყველა საჭირო დახმარებით", – იუწყება რუსეთის თავდაცვის სამინისტრო.

აღნიშნული ინფორმაცია უკრაინის მხარეს ჯერ არ დაუდასტურებია.