კიევის ოლქში, ტერიტორიებზე, რომლებიც თებერვალ-მარტში რუსეთის მიერ იყო ოკუპირებული, უკვე 1 288 მშვიდობიანი მოქალაქის ცხედარი იპოვეს. ინფორმაციას უკრაინული მედია კიევის ოლქის ეროვნული პოლიციის უფროს ანდრეი ნებიტოვზე დაყრდნობით ავრცელებს.

მისი თქმით, გარდაცვლილითა უმეტესობა ავტომატური იარაღით არის დახვრეტილი. მისივე თქმით, პოლიცია რეგიონში აგრძეკლებს მოკლული მოქალაქეების სამარხების ძებნას.

მხოლოდ ქალაქ ბუჩაში, სადაც რუსო ოკუპანტები თებერვალ-მარტში იმყოფებოდნენ, ათასზე მეტი მშვიდობიანი მოქალაქე დაიღუპა. მათი უმეტესობა - 650 ადამიანი ცეცხლსასროლი იარაღით, დამიზნებით არის მოკლული. ბუჩის მერმა აპრილში განაცხადა, რომ ცხედრების 85 პროცენტი ტყვიით ნასროლი ჭრილობისგან არის დაღუპული.