უკრაინელმა ქალებმა, რომელთა 2 და 3 წლის შვილებიც რუსი ოკუპანტების მიერ გაუპატიურების შედეგად დაიღუპნენ, უკრაინის სახალხო დამცველს ლუდმილა დენისოვას სთხოვეს ამ დანაშაულების შესახებ მსოფლიოსთვის ეცნობებინა.

ლუდმილა დენოსვა ამის შეახებ Telegram-არხზე იუწყება.

დენისოვა დავოსის მსოფლიო ეკონომიკური ფორმუის ფარგლებში რუსი სამხედროების დანაშაულების სახლის გახსნაზე სიტყვით გამოვიდა და განაცხადა, რომ ომის შედეგად უკრაინაში ყველაზე მეტად მშვიდობიანი მოსახლეობა ზარალდება.

მისი თქმით, ყოველდღიურად უწყების ცხელ ხაზზე 700-800 მოქალაქე რეკავს, რომლებიც მათ რუსეთის სამხედრო დანაშაულების შესახებ ატყობინებენ. მისივე თქმით, 1 500-მა ადამიანმა გამოიჩინა გამბედაობა და ფსიქოლოგიური დახმარების ცხელი ხაზის მეშვეობით მათ ყველაზე მძიმე დანაშაულების - სექსუალური ძალადობისა და წამების შესახებ აცნობა.

„მე მთხოვეს დედებმა, რომელთა ორი და სამი წლის შვილები რაშისტი სამხედროების გაუპატიურების შედეგად საშინელი ტანჯვით გარდაიცვალნენ, მსოფლიოსთვის მეცნობებინა ამ საშინელების შესახებ“, - თქვა დენისოვამ.

ამასთან, მან აღნიშნა, რომ მასობრივი სქსუალური დანაშაულები - ეს არის რუსეთის ომის ტაქტიკა გაანადგურონ უკრაინელი ერი. „ეს იარაღია, რათა გატეონ უკრაინული სული, მაგრამ არ გამოუვათ... ჩვენ ვილაპარაკებთ, რათა მსოფლიომ იცოდეს!  ჩვენ ყველას გვინდა მშვიდობა, მაგრამ არა ჩვენი ქალების, გოგონებისა და ბიჭების ფასად! მხოლოდ უკრაინელი ხალხის გამარჯვებით! და ის დღე აუცილებლად დადგება“, - განაცხადა ომბუდსმენმა.

ბოლო მონაცემებით, უკრაინაში რუსი ოკუპანტების მიერ 230-ზე მეტი ბავშვია მოკლული, დაჭრილია - 427.