უკრაინის შეიარაღებული ძალების გენშტაბის ინფორმაციით, ლუჰანსკის ოლქის ადმინისტრაციულ საზღვარზე გასასვლელად, დონეცკის ოლქში რუსეთის ძალები ქალაქ ლისიჩანსკისა და სევეროდონეცკის ალყაში მოქცევას ცდილობს.

„მტერი არ წყვეტს შეტევით მოქმედებებს აღმოსავლეთის ოპერაციულ ზონაში. ინტენსიურ საცეცხლე ზემოქმედებას ახორციელებს შეხების მთელი ხაზის გასწვრივ და დონეცკის, სლობოჟანისა და იუჟნი ბუგის რაიონებში ჩვენი ჯარების თავდაცვის შიგნით. საბრძოლო მოქმედებების ყველაზე მაღალი აქტივობა შეინიშნება დონეცკის ოპერაციულ ზონაში, კერძოდ ლისიჩანსკისა და სევეროდონეცკის მახლობლად. დონეცკის მიმართულებაზე მოწინააღმდეგე ფოკუსირებულია შეტევითი ოპერაციის ჩატარებაზე ლისიჩანსკისა და სევეროდონეცკის ალყაში მოქცევის მიზნით ლუჰანსკის ადმინისტრაციულ საზღვარზე გასასვლელად“, – ნათქვამია გენშტაბის განცხადებაში.

გენშტაბის ინფორმაციით, დონეცკისა და ლუჰანსკის მიმართულებებზე უკრაინის არმიამ მოიგერია მტრის 16 შეტევა, გაანადგურა რვა ტანკი,  22 ერთეული საბრძოლო ჯავშანტექნიკა და ერთი ავტომობილი.

სააჰერო ძალების საავაიაციო ქვედანაყოფებმა და სახმელეთო ჯარების საჰაერო თავდაცვის ძალებმა გაანადგურეს ექვსი უპილოტო საფრენი აპარატი, ფრთოსანი რაკეტა და 30 საბრძოლო ჯავშანტექნიკა.