"მთავარი არხის" გენერალური დირექტორი ნიკა გვარამია, კომპენსაციის სახით, სამაუწყებლო კომპანია "რუსთავი 2"-სგან 5 მილიონ დოლარს ითხოვს. ამის შესახებ ნიკა გვარამიას ადვოკატმა, დიტო საძაგლიშვილმა რუსთავის ციხიდან გამოსვლის შემდეგ განაცხადა.

მისი განმარტებით, ნიკა გვარამიას ["რუსთავი 2"-ის დიერექტორის] თანამდებობიდან გათავისუფლებით, ქიბარ ხალვაშმა კონტრაქტი დაარღვია.

"ნიკა გვარამიას რუსთავი 2-თან აკავშირებდა სასამსახურო ხელშეკრულება, რომლის თანახმადაც მისი გათავისუფლება თანამდებობიდან 2020 წლის 31 დეკემბრამდე იყო აკრძალული იმიტომ, რომ ამ ვადით იყო ის თანამდებობაზედ დანიშნული და ნიკა გვარამია ქიბარ ხალვაშის მიერ, გათავისუფლდა თანამდებობიდან ამ ხელშეკრულების მოთხოვნათა უხეში დარღვევით, რის გამოც ნიკა გვარამიას წარმოეშვა მოთხოვნის უფლება 5 მილიონ აშშ დოლარის ოდენობით. ეს არის ზიანი, რაც მას მადგა რუსთავი 2-ის მხრიდან ხელშეკრულების დარღვევით. თუ ვინმე დაზარალებულია ამ ურთიერთობაში, არის ნიკა გვარამიას. შესაბამისად, ჩვენ გადავწყვიტეთ, რომ ოფიციალურად, წერილობით ვაცნობოთ რუსთავი 2-ს ჩვენი პოზიცია და დაველოდოთ მათ პასუხს.

პოზიციაეხება ჩვენს მიერ გაგზავნილ წერილობით მოთხოვნას იმიტომ, რომ ვინაიდან ნიკა გვარამია გაათავისუფლა ქიბარ ხალვაშმა კომპანიასა და ნიკა გვარამიას შორის დადებული სასამსახურო ხელშეკრულებით გათვალისწინებული მოთხოვნების უხეში დარღვევით, რუსთავი 2 ვალდებულია გადაუხადოს კომპენსაცია 5 მილიონი აშშ დოლარის ოდენობით" - ამბობს დიტო საძაგლიშვილი.