პოლონეთის სეიმის მარშლის მოადგილე მალგოჟატა გოშევსკა აცხადებს, რომ პრემიერ ღარიბაშვილის პირობის მიუხედავად, მიხეილ სააკაშვილთან შესახვედრად არ შეუშვეს. გოშევსკამ ამის შესახებ ჟურნალისტებს კლინიკა "ვივამედის" წინ განუცხადა.

მალგოჟატა გოშევსკას თქმით, მიხეილ სააკაშვილთან შეშვების პირობა პრემიერ-მინისტრმა ირაკლი ღარიბაშვილმა პოლონეთს პრემიერ მათეუშ მორავიეცკის თანდასწრებით მისცა.

მორიგ ჯერზე უარი მითხრეს პრეზიდენტ სააკაშვილთან შეხვედრაზე, მიუხედავად იმისა, რომ ეს პირობა მომცა პრემიერმა ღარიბაშვილმა პრემიერ მორავეცკის თანდასწრებით. საერთოდ, ევროპული დემოკრატიის პრინციპებში არ არის ის, რომ პატიმრობაში იყოს და დასჯილ იქნას დემოკრატიულად არჩეული პრეზიდენტი და მიხეილ სააკაშვილი იყო დემოკრატიულად არჩეული პრეზიდენტი და ეს არის პირველი შემთხვევა მეორე მსოფლიო ომის შემდეგ ევროპის ტერიტორიაზე, როდესაც დემოკრატიულად არჩეული პრეზიდენტი იმყოფება პატიმრობაში ეროვნული სასამართლოს მიერ მისჯილი სასჯელით.

თუ სახელმწიფო და მართლმსაჯულება არ გამოხატავს პატივისცემას ქვეყნის პირველი პირის მიმართ, მაშინ რა უნდა ქნას უბრალო, ჩვეულებრივმა ადამიანმა ქვეყანაში?!", - თქვა გოშევსკამ.

მალგოჟატა გოშევსკა საქართველოში პრეზიდენ სალომე ზურაბიშვილის მოწვევით იმყოფება. დილით ის სიტყვით გამოვიდა თბილისის ქალთა საერთაშორისო კონფერენციაზე, სადაც მიხეილ სააკაშვილთან დაკავშირებით საქართველოს ხელისუფლება მკაცრად გააკრიტიკა.